Baublog aus dem Schwabenländle

es isch jo net zom glauba

nigema — Mon, 10 Aug 2009 14:10:11 +0000

wie die zeit vergoht. mei letschder eitrag hier em blog isch jo scho ewig her. seit dr fasnet hot sich einiges doah en ond om onser häusle rom. vor einiger zeit hemmer schon onsern garda grichtet und seit kurzem hemmer jetzt au a wunderschene markies. a gelbe mit graue stroifela. also des müsset ihr eich echt mol agugga. die bilder von dem deng send aber net hier en dem blog, sondern en onserm blog für die hochdeitsche, also für dia von nördlich dr mainlinie die internetadress von dem „hochoffiziella hochdeutsch blog“ isch blog.nigema.de so, onder wer froge hot, der derf sich gern mol melda, egal ob schwob oder net

Fasnet in Neuhausen

nigema — Mon, 23 Feb 2009 16:14:31 +0000

Hallole, also zur Fasnetszeit muß mer em schwobaland au mol wieder was schreiba. Bei ons do steppt dr Bär ond die Fasnet isch, trotz schlechtem Wetter in vollem Gang. Geschdern war bei ons großer Fasnetsomzug mit 93 Laufgruppa. Des kommt scho fascht an Köln no Ond am kommende Dienschdag do isch Kenderomzug. Do laufet die ganze Jonge von der Kendergärta en nette Koschtümla rom ond hend a mortz Freid. Naja, also wer Luscht ond Zeit ot, der kommt am Dienschdag noch Neuhausa Filder.

i wois gar net ob ihr des scho wisset

nigema — Fri, 23 Jan 2009 16:19:37 +0000

mir hend ons an fatzenobla Grill kauft. An Weber Grill, so an Gasgrill mit ema Deckel zum zuklappa. Jetzt wird es dringend amolZeit das es schee Wetter wird, sonscht stoht des Deng no ewig em Gartahäusle rom. Des hot ja koin Wert. Kauft hemmer den Grill em Internet. Bei bbq-shop24.de Wer also au so was braucht, isch dort echtgut aufgehoba.

heidanei

nigema — Wed, 19 Nov 2008 09:40:13 +0000

isch des lang her das i hier mol ebbes geschrieba han.

Es hot sich en de letschte monat ziemlich viel doa. mir hend jetzt a licht onder der eigangsplatte vor dr. haustür. a wäschbecka em keller, koine fehlende silikonfuga em wohnezemmer mehr und und und

es wird also zeit, das ihr ich mol wieder en onsern blog unter baublog.nigema.de neiguggat.

also zwoi blogs send echt viel

nigema — Mon, 10 Mar 2008 07:53:34 +0000

i han eigentlich net denkt, dass es doch a gschäft isch en zwoi blogs ebbes neizomschreiba. aber es kommt wie es komma hot missa. i breng es blo na oin einigeraßa aktuell zu halta.

also, es ist doch wieder einiges passiert en de letschde monat. unser terasse nemmt geschalt a ond onser keller isch so ganz langsam au fertig. es fehlet do die fliesa em heizungskeller ond eim hobbyraum . dr carport soll die woch sei grümnes dächle kriega ond no warta mer blos no auf des angebot vom gartabauer wie mer do jetzt weitermachet.

also, es bleibt wie es bisher au scho war spannend und i denk ich schaff es au weiterhin et, hier so richtig aktuell zom sei.
wen es also interessiert, der soll doch eifach auf baublog.nigema.de nochgugga.

es isch kaum zu glaube wie die zeit vergoht

nigema — Wed, 24 Oct 2007 07:05:41 +0000

mir kommt es vor als wär es geschdern gwesa als i des letschde mol hier was gschrieba han.

isch nadirlich net so. Also jedenfalls luft eigentlich älles soweit guat. Onsere fliesa em keller send zwor emmer no net dren, aber au des krieg mer no na. Dr gardabauer macht heut unser terasse fertig. no kanns jo sogar sei, das mer no a tässle kaffee drausa drenka gönnet

Am samsag bau mer dr carport auf. s’wird jo schließlich au zeit bevor dr wender kommt.

jo, sonschd gibts et viel neues. wie emmer gilt natürlich. Bilder gibts auf onserm andara blog

also eizoga semmer mittlerweile

nigema — Wed, 06 Jun 2007 20:49:03 +0000

nochdem es en de letschde Dag jo no ganz schee hektisch war, semmer mittlerweile jetzt doch umzoga.

Mit wohnet tatsächlich en onserm oigana haus. mr sod es jo net glauba.

jetzt hot dr schwob was er braucht. a häusle ond a rechts audo

Em Ernst, mir könnet mit onserem haus ganz zfrieda sei. es isch jetzt nix besonderes, aber doch schee groß ond ganz ordentlich ausgestattet. Wer ons mol bsucha will, emmerreikomma. gschwend arufa oder amaila, dann fenda mer bestimmt an termin wo ihr gugga könnet.

en onserem baublog gehts mit de infos bestimmt no a ganze weile weiter. emmer feste lesa, gell

isch des viel gschäft

nigema — Wed, 09 May 2007 20:15:50 +0000

also i het des mit dem schwäbischa blog et afanga solla. i komm kaum rom mit onserm normala blog ond jetzt sott i au no hier was schreiba…jedenfalls hot sich viel doa en de letschde 4 wocha. mir hend jetzt fliesa ond türa dren. Bilder gibs es wie üblich wieder onder baublog.nigema.de.

die garage stoht scho

nigema — Wed, 04 Apr 2007 09:19:24 +0000

aber net onsere sondern die von onsere nachbar im doppelhaus. die hent jetzt a garage ond an carport nastella lassa. mir send do mol wieder net so schnell. aber zumindest hemmer ons scho für an carport entschieda. den müss mer blos no bschdella ond die fundamente müs mer dann au no macha lassa.

heut morga isch dr gipser wieder komma ond macht heut den aussaputz na. mir hend ons entschlossa a gscheide farb drauf macha zu lassa. es wird so a lotusfarb sei, di verschmutzt erschtens net so schnell und lässt sich au mol abspritza. des isch em bodabereich vielleicht gar net so schlecht. mir werdet seh

jetzt wirds aber zeit

nigema — Tue, 27 Mar 2007 11:41:14 +0000

das i mol wieder was hier neischreib!!

Es isch saumässig viel passiert seither. also des neueschte isch onser haustür, die isch seit gestern dren on onder ganzer stolz!!

Jo, no isch heut noch dr Moler komma ond hot angfanga onsere decka zum streicha. der macht dann au glei die tapeta na ond verlegt onsern teppich, do wo mer koine flisa machet. also, es nähert sich so ganz langsam dem ende…aber blos gaaaaanz langsam. als nächschdes gohts dann jetzt no om dr garda ond dr hof. des isch jo au nomol a menge zum entscheida!