jetzt guck na

Dienstag, 27 Februar 2007

uns haus isch uf oimol anzoga. die gipser hend gschafft wie dr deifel ond 2 seita von onserm häusle schon verputzt, also halt mit em grundputz aber trotzdem. reschpekt!!

morga isch wieder an baustellatag eiplant. do wird onser wäscheschacht nochmol ausananderbaut, weil sonscht koi normale klappe ob druff goht ond des wär jo saudomm. do muß mer des rohr ab bissle versetza…jaja, es wär gscheider gwesa des a bissle früher zom macha, aber war halt net. wie des halt amol so isch.

Ond dann kriegt onser dachfenschder em treppahaus no a stromkabel, no kemmer do amol no an motor zom uff- ond zuamache neibauan. weil i do nämlich koi mensch nakommt. war jo aber vorher schon klar.

so, wer ab bildle seh will vom „putzhaus“ der muß oifach rechts bei Blogroll (worom au emmer des so hoisst) auf den Link 01. klicken ond hoffa das es klappt 🙂

Advertisements

so, i war dren

Samstag, 24 Februar 2007

es hot jo net andersch sei kenna. I war nadirlich heut gschwend auf dr baustelle. Jetzt sieht es scho lang nemme so noch ra baustell aus mit em estrich dren. Es sieht schon fascht ab bissle „wohnlich“ aus. Wer a paar bildla seha will der muß onder baublog.nigema.de neigugga.


Dr Eschtrich isch dren

Freitag, 23 Februar 2007

so ond jetzt derf mer erscht amol 2 oder 3 Dag net en onser häusle nei, so ein ärger. mir wöllet doch so gern seh wie des jetzt aussieht.


fascht vergessa

Freitag, 23 Februar 2007

onser „richtiger“ Blog rond oms häusle fendet ihr onder baublog.nigema.de


So, jetzt guck mer mol wie des goht

Freitag, 23 Februar 2007

also, nochdem mir scho an Hausblog hent, hemmer denkt mir machet des ganze au no so em groba en schwäbisch. des wär mol was anderes, hemmer denkt. So s’wichtigste kurz zammagfasst. es sagt sich halt manchmol ab bissle leichter wenn’s en dr „Muddersproch“ gsagt isch 😉

Jetzt muß i aber erscht mol ausprobiera wie des mit dem WordPressBlog do so lauft