isch des viel gschäft

Mittwoch, 9 Mai 2007

also i het des mit dem schwäbischa blog et afanga solla. i komm kaum rom mit onserm normala blog ond jetzt sott i au no hier was schreiba…jedenfalls hot sich viel doa en de letschde 4 wocha. mir hend jetzt fliesa ond türa dren. Bilder gibs es wie üblich wieder onder baublog.nigema.de.

Advertisements

die garage stoht scho

Mittwoch, 4 April 2007

aber net onsere 😉 sondern die von onsere nachbar im doppelhaus. die hent jetzt a garage ond an carport nastella lassa. mir send do mol wieder net so schnell. aber zumindest hemmer ons scho für an carport entschieda. den müss mer blos no bschdella ond die fundamente müs mer dann au no macha lassa.

heut morga isch dr gipser wieder komma ond macht heut den aussaputz na. mir hend ons entschlossa a gscheide farb drauf macha zu lassa. es wird so a lotusfarb sei, di verschmutzt erschtens net so schnell und lässt sich au mol abspritza. des isch em bodabereich vielleicht gar net so schlecht. mir werdet seh


jetzt wirds aber zeit

Dienstag, 27 März 2007

das i mol wieder was hier neischreib!!

Es isch saumässig viel passiert seither. also des neueschte isch onser haustür, die isch seit gestern dren on onder ganzer stolz!!

onser tür

Jo, no isch heut noch dr Moler komma ond hot angfanga onsere decka zum streicha. der macht dann au glei die tapeta na ond verlegt onsern teppich, do wo mer koine flisa machet. also, es nähert sich so ganz langsam dem ende…aber blos gaaaaanz langsam. als nächschdes gohts dann jetzt no om dr garda ond dr hof. des isch jo au nomol a menge zum entscheida!


scho wieder an graba

Freitag, 9 März 2007

kaum isch der letschde grabe zugmacht, komme se scho wieder ond machet dr nächschde uff. jetzt isch an grabe für die versorgungsleitunga gmacht worda. no könds fascht no passiera, das mer am wochaende noch heiza könnet. also falls die von der EnBW no kommet. mir werdet seh


es hot a bissle dauert

Donnerstag, 8 März 2007

es isch ganz schön was passiert en de letschde Däg.

dr Gipser hot seine gipsdiela verspachtelt ond jetzt isch grad dr Trockabauer do ond macht den Dachgeschossausbau.

Wer do a paar Bilder seha will, der muß wieder onsern hochdeitscha-blog agugga.

Ach ja, ond no gibt es do no so a Kloregal 😉 was des sei soll, findet ihr au em reachta blog


jetzt guck na

Dienstag, 27 Februar 2007

uns haus isch uf oimol anzoga. die gipser hend gschafft wie dr deifel ond 2 seita von onserm häusle schon verputzt, also halt mit em grundputz aber trotzdem. reschpekt!!

morga isch wieder an baustellatag eiplant. do wird onser wäscheschacht nochmol ausananderbaut, weil sonscht koi normale klappe ob druff goht ond des wär jo saudomm. do muß mer des rohr ab bissle versetza…jaja, es wär gscheider gwesa des a bissle früher zom macha, aber war halt net. wie des halt amol so isch.

Ond dann kriegt onser dachfenschder em treppahaus no a stromkabel, no kemmer do amol no an motor zom uff- ond zuamache neibauan. weil i do nämlich koi mensch nakommt. war jo aber vorher schon klar.

so, wer ab bildle seh will vom „putzhaus“ der muß oifach rechts bei Blogroll (worom au emmer des so hoisst) auf den Link 01. klicken ond hoffa das es klappt 🙂


so, i war dren

Samstag, 24 Februar 2007

es hot jo net andersch sei kenna. I war nadirlich heut gschwend auf dr baustelle. Jetzt sieht es scho lang nemme so noch ra baustell aus mit em estrich dren. Es sieht schon fascht ab bissle „wohnlich“ aus. Wer a paar bildla seha will der muß onder baublog.nigema.de neigugga.